K C Bodo's Poem published in Sainyader(1996)
Yagaing
Jengkholong mander Majangbimu
Naiba nudu rimba maiya
Bedehe rimhi Phununang!
Habesaoni Hambakhebo
Naiba Nudu Yaothai giri
Bede rebhi sainthinang
Habesaoni Majangthai
Rogonha thangi naibtha
Gajaingnipharang majandao
Habesaoni Khagasaing
Rangjang rijang maibatha
Khasaomani gasaingthdao.
Rajhabthai bathaikhe
Saingsi Balaokhathikhabo
Birilikhe khathaodu
Khimbar majang Bubarbo
Sainsi bardu Garaidu
Bahai midim gungthaodu
Baiyagaba nodangya
Sainsi Baikha thikhabo
Noyam hamba jenjaodu.
Thiyagaba hajaiya
Sainsi thihi thangkhabo
Yagaing majang nangjaodu
Odebani thilangdu
Yaoblai hamba jamthaoya
Yagaing majang thithaoya
No comments:
Post a Comment