GARI
GALAO GAKHUHI
(K C Bodo)
Lamsakhongha
sohikha
Longlaimani
Dimasarao
Lamsakhonkhe
rung sikhba
Phangjodisa
raji khaba
Jabli
jahi misikhinhi
Hamri
raji hailangba
Diyung
dibu gajaohi
Dembra
raji degaoba
Lamsakhongni
Dimaraji
Godahaning
gubrukha
Longthailingkhe
phatorkhula
Malai
bumu denglakha
Garao
dima khamakha
Dimasarao
khaitharkha
Lamding
rogong Dimaraji
Langkher
Disa langpher disa
Disa
nasa jalangkha
Dimasarao
Giphiphkha
Mukhang
naine nuyakha
Malaini
hadam dangthani
Dimasani
rithani
Lamding
jikhlai laibuhi
Hasao
raji haphaikha
Haju
harang thikhabo
Jarni
rajhi baodada
Khaha
khayung delakha
Manderdisha
manderbar
Bumu
baga girikhabo
Bahai
midim maiyakho
Lamayung
himbade majangbi
Hagaphang
khambade libibi
Manderbar
bo majangbi
Bonjuphang
daokholo
Mander
barba daomander
Longkhai
garangsi hordada
Khoroha
rikhaosa hondada
Lamayung
mathlarao
Naiya
naithao thao
Miyung
dongthan hathikhuli
Miyung
masi girikha
Ada
maothu damra gakha
Wainsolahi
khabaikha
Lanthing
thuhi lailangkha
Khalachandha
sohikha
Khalachandni
gisimdao
Rahi
thikha thanglakha
Basa
dongba khanaba
Bumu
dengba khalachand
Bumu
gibin jakhabo
Gisimni
basade gisimning
Buphani
basa Disani nasa.
Gisimdaode
nolaiha
Daobai
gisim phainbaidu
Angbo
sainsi goronba
Gisim
daoni basade
Rothai
thaigini garijang
Rothai
thaibri dolaijang
Nolai
gisim phainbaidu.
Sisa
daogulab singkhaning
Simbaringbo
baijadu
Naiju
gisim baraidu
Sere
jima maijire
Sere
lingam mailingre
Gadra
nangba sigi nangba
Soyrathijang
ganggaosi
Gisimdikhe
ajang thidu
Dimasarao
khudimdu
Simsing
simhi rainphadu
Jadhi
nangya muluk nangya
Basa
nangya basic nangya
Dimasarao
gisimdikhe
Sainsi
horsi nuyakhaning
Naikhu
hangma sikhbaidu
Gisimdini
khalaihi
Sola
giji thuluhi
Risha
gomor gainlahi
Joli
giji khailahi
Longthai
dokhribjibaidu.
Bostabo
rujungdu
Dimasarao
gamadu
Maibangmaha
malai bangkha
Dimasarao
bangya daokha
Maibangmaha
maibangya
Dimasarao
jisoya
Maibangmani
garaokhe
Galao
rebma nangjaoya
Dimaasarao
mithikha
Wadreng
disa wagiri
Malai
wadreng daintharkha
Wadreng
makhao phalablai
Dimasakhe
phalabkha
Basang
dangkhu jaothaikha
Daothuhaja
daothu giri
Daothu
rimne ajang giri
Mahur
bugda lailangkha
Mahurhi
magur sokha
Dimasarao
mang huihi
Eging
hakhorni hagrasalai
Dinibo
khinhi dongladu.
Malaikhede
dakhin dakhin
Dakhin
nipharang dakhinsa
Dimasase
khinba raodao
Malai
hajing dangphaidu
Laiyamuri
gaiphaidu
Thaisa
hondra phainphaidu
Rangbo
rikho bojaiphaidu
Dimasarao
gamaro
Contractsening
smaima
Migrendisa
mi giri
Begerengsening
dongsiba
Haflong
hidao haflong haju
Lower
haflong hill haflong
Godni
rijabthai wainsokha
Haflong
haju jubajang
Ajangni
rigu lebajang
Aphna
hainti nunangthi
Naiding
naidang naibade
Dimasakhe
nuyakha
Garao
dima khanaya
Jatah
hai atha hai
I
am , o. geng
Rasajangthing
rikhjaokha
Sisajangthing
singjaokha
Sumu
khurang biringdu
Gada
bara thanglakha
Angla
bara phaijaokha
Baoslam
baohi gamangkha
Harang
gajao hagajao
Adung
ajang bugur gajao
Habo
hambi maibangbi
Adung
ajang majangbi
Aphna
hainthi khasaobi
Laisi
laibra ringkhilibi
Olai
thibal khanaba.
Thangma
baoba thangphuya
Sem
naphlam jamphaikha
Joli
marsu girikha
Haflonghaning
nakhaikha
Dolai
basa gakhuhi
Haflong
town sobade
Mathakede
sumu thudo
Buma
garajic jahibo
Saoha
giri ri grangsi
Sola
galao yaogojo
Sima
jubu soridu
Bukhe
nuhi gablaokha
Noma
thaone aphna giri
Gari
gane phoisa giri diyung dibu walemha
Dijang
gajaohi phailakha.
No comments:
Post a Comment