JABHA
MISI KHINKHALI
(K C Bodo)
Malaide
hagejeng dongkhabo
Jahamya
jabani sainkhali
M
amasi pha masi baolaihi
Jarni
jadhikhe wainsore
Garaojang
khusijang jurure
Joba
misi khinkhali
Hasao
hawar dembra dijuwa
Gabang
jainlaiya thikhabo
Dimasa
masi Dimasa pharsi
Garaojang
thaisi juruphuya
Nangbaha
lazi nanglaiphuya
Jabaha
haba jaolaiphuya
Dimasarao
mikhintho
Vimni
basa gamaro
Buphani
bithi girikha
Johora
basalai japhaikha
Hamhi
dongba sainkhali
Member
bangre hoja dongre
Buthujang
khamhi jikhriblaire
Jahamya
jabani sainkhali
Hoja
giri sengya giri
Khaha
khadema rigin giri
Yaoha
yaodima masi giri
Dukhu
hadi jakhali
Khadukhu
phorongne saosi giri
Dukhu
hadi jakhali
Khadukhu
phoronne saosi giri
Saosikhe
saosi kha maiya
Girijang
maya nanglaiya
Thima
garaokhe thiraoya
Sisani
daogulab singkhaning
Khaiphulung
birphulung jaladu
Saojang
khaoda khaibaidu
Sigarijang
gaojaodu
Haphlai
rajiha diniha
Nawai
birdu birkhalaidu
Mosrong
manggithi barbaidu
******
Jaba
misi khinkhali
Basa
bisikh sogone
Rajikhe
raokhi denglaine
Marsirao
nolaijom khajenba
Hagrani
misikh buthubo
Basakhe
gjerha dengdada
Bogrong
laoyarao songdingre
Misi
waiphuya sogore
Dimasa
dimajikh diniha
Rajini
subungkhe sogone
Nolaiha
bosom donglaiya
Jikhribnese
lingkribnese
Raji
khahi donglaiba
Nangba
garao sainlaiya
Dimasa
basa diniha
Malijang
khinjaoya japhaidu
Rajiha
mosrong haphaidu
Dimasarao
khaibaidu
Daokhakhe
mosrong pholadu
Jujang
mogong dosijang
Dimasarao
balabdu.
Jarni
khaojebsa jebringya
Jadini
garao khathikhe
Mosrongne
thanghi sainthidu
Nokha
nai sramya mosrongjang
Jarbo
bakhaolai rijaodu
Malaijang
golamdi jaojaodu
Dimasarao
gamadu.
No comments:
Post a Comment