MAHUR DIRGONGHA (Hangslikma)

 MAHUR DIRGONGHA

   (K C Bodo)

Dimapurkhe hagarhi

Phrabsa dimdikh makhalu

Akhibdao balla gaoba

Hathan hamba naiphalangba

Dikhong hurhi Dimasarao

 maibang raji khaphaiba

Dihur mahur jalangba

Mahur dirgong donglaiba

Naha nawa na bangya

Mahur dirgong hahamba

Magur dirgong maibangba

Bumu maibang jabane.

Semkhormaha semjaoba

Maibangmaha labuba

Malaini raja nokho

Dini hagra dimphungkha

Raja rebba garathai

Nainang thihi thanglaiba

Hagra baisihi naimaiba

Khabaihi garama mijingba

Dimasade debine

District council dongnego

Rangbo ribo bangbine

Raja nokho garangsikhe

Khading denglaiphuya.

Hagra dainsi debgphuya

Raja rebba garaothai

Sugu dengne ringlaiya

Mahur dirgung Dimasarao

Contract dangma gari baraima

Membor jama montri jama

Sainsong horsing bao maidu

Mulukhni khusikhe balaodu

Bupha baraiba garikhe

Buma damra gasramya

Basa basic phainjidu

Electionha rang jamdu

Magna phaiba rangkho rikho

Magna thangladu

Babu gede jayarao

Bumakhe Jikhkhlaiba hadaidu

Electionha sejilaidu

Jadini khusikhe dangkhalaidu

Gadani yaobalaikhe khamadu

Malai nuhi khajadu

Gadani garaothai rebyaba

Maibangma longthaima garakhe

Sisong hasao honmane

Dokhaohi dini langladu

Gadani garaothai gamadu.

********

Malaini longthaima thikhade

Malaie susakhu dengkhamu

Khilimhi khudimhi naikhamu.

Dimasa gedeba sobani

Malaitha khasidao japhaikha

Jarjhe girkhdao baobani

Malaitha birdaose jalangkha

Magusa Nadigol Jiringya

Daokhasa gajaothai khonringya

Maibangma gajaothai dongkhabo

Dimasa thani ringlaya

Maibangma thaibangba thinthriphang

Diniha Bophaidu bonsaodu

Maibangmani nodrangma khamdingkhe

Diniha mahursa masaodu

Malaine phoisajang phaijidu

Sainsi mahurma Didenang

Dimasa yader jagaonang

Nomani thongaphong galalngnang

Dibukhe daokhuba Dimasa

Dibukhe gajaosni gajaonang

Dini jibaha wainsoya

Sainside khibaha wainsonang

Okhali Dimasa Gubainang

****

Debi thihi Dedaoya

Hambi thihi hamdaoya

Garao gidhi rebdada

Dimasaro jadaoya.

Odebani mungridao

Khajugili khabaiba,

Rebya baokha thikhabo

Garao gakha rebmaima

Sainsi ghakha jikhase

Gidi libire

Muli gakha jikhase

Limba hamrene.