Dimasa Thairagai

Juthai

Baobaidao Bodosa

 

:Juthai , Abi…….  Mastor Babur Baibaidao klimhi thilakha.

  Baibaidao madam Dimajicni Officeha haphikha

: Tum abi kiynu under aya…. Meine abbi abi office aya . Tum bahar  jao bat me aao….

Dinarhi thanya Dimasajic thikhabo , mahoni garaokhe khanekhadhe khaisa jarni subung baonang baohi Juthai tilabamu… isse… Dimajicrao birba:   Baobaidao baoma galaikha.

Baijyha Adha Jonhi Dong. Bo singlakha “ Oi kushi jakha ?”

Thinang thiya baodada Baobaidao thilaka …

Baraha kushi darngrima , rikhalahaka … Lazijhang Ar khaisa thamsijang Baobaidao  sainthika.

Adha: “  Professor khela khaisa thikhabo manphain rima nangremu.”

:”Je Ghanaorangni basa  bisicraola  Mastor khela  respect khalaima,  Rang ri Ittalian Nho ar garhi ni yahongha se khaibathi”…. Baobaidao thiphalangkha.

: Diyung dirgongni i Dimajiraode oleining , laishi ringba  loghu loghu Dima dikhong dinarbaiba ar mailaini hadamkhe janarihiba, bohase sang … : Adha hangslimakhahii thikha.

O, buhase mugridao rebanaiba  “ Longma nolaini mathalsa

                                             Lonthaikroha khamsleba

                                            Diyung dibukhe Gajaoba

                                                 Rigu sitharba

                    Sapormukhni Hasamsa,

                        Dima diyungkhe rung jaoba,

                         Longma nolaini Mathalasa

                            rungha gakhuba………

:O graode gibining -,  adha bokro gonhi thikha…

     Sengphongde Dimasa rebdhukho, gaingsari phinsarihadgi dinarni khelepsa gaindhu , gainsari phinsari  ode jang  gharao se jarni mithijaoma mu.

  buhase adha yaosi jaohi jaohi phunuhi thiba  

“  hogho  buning Dimajice officer gedema”

,  thikhabo Baobaodaola naidhing naihi nuyaba.  Sosma gaingma nangmathibo baobaisi Jhakha.

Senphong Dima name plate dongyabahase  Klepsa gaingyaba habiha, ;

 baobaidao bokor gidhingkha  ar khaha dhukubo  nanglakha.

Buhashe Mungridaobo hanslikma khahi reblaba

“Yaolai gornsini gamai diniha  khonkhubamayshi Dinha dimasa-dimajic  gamaric gamadu”

Bu  Bubilihaning    contractor babu phai kha ar busike  nubajang , klepsa genyaba madam songhi hand seek rikhalai ar minihi khamlai kha. Well English educated local contractors and convent ha phoriya Dimajic  , engrajijang se sailaingba  ,

 naibalai thikhala bunsini garaola jamming jamdaoya,

Dubaiha thanyabani gop , Arobni  15 years denyabani juni garao ar luguha , sere serene bisilai rang rikha bunising gop.  Odhejejang madam Dimajicni mukhangbo janihi minima baogokha.

Baobadao baijiha jonbakhe Dimajic Babudi tharmaihibo maiya.

Dimajic babudi  berbaikha ..“ Abo master, professor aniha  khusini khalaihi phaiba raoba,  kam giri abo mastorraoni.

Sisane mogong begreng ribalai khaisa poisa rikhaning noha phaihi phoririphaidu, anbo olai  home tution lahining phoribase. …….. Dimajic Madam thiphlangkha..

 Contractors baburao miniphalangkha….

Dimasa dimajicraone masterni Kam  ( Khusi) giri ,odejang Dimasani smainlingha (Society) mastornibo dam giri.  Baobaidao baoma gailaikha ar thamsi baigolakha.

Baobaidao thamsi baigokha mushi sinya dangya halangkha , thikhabo  decency mathaohi , sonthakha, madam baonaikha ebhkhe haikhalaha hamdaoma,   adhejang bhasaoha  “put into the file”  rebkha rihakha.

Hai  !ibuning officer gedema, nadhini application  naimanebo  baomanangjaoya.

Baobaidao gibirlai jahi baigokha………….

Mastorani applicationha  rang mailam giri…. Dimajicrao mathalrao rangni yahonha khaiba… jhadi naya , hainthi nangya… jarni dara disa nangjaoya…. Dinarbaiba… Bophagarasa  khinmaima jarni bisickhe , Boma garajic  mutdi rulaba…….

Adha baijiha jonhi  dong.

Oi duhala nikhe  mithikha?

Barani mithima application khening naiya.  Bara ang thangma nanma?  Baobaidao singkha.

Phai ang lang nang.. Cantin rungongha sohikha.  Mashi sobungkhe gorongkha.

Khoi jirikha bokhe adha thika.  Dukhanha koi lahakha ar lugu lugu ani prang 10 thaka lahalakha. Buhaning mithikha eboning peon babu ar buninh  applicationkhe  langrere.

Ada thiphalangkha….

Ada abi Diyung Dirgon hadam majangha jarni hadam guphu maimu gisim khe dangma nangjaoya. Odejangning jarni mahoni graokhe adung ajhang nang jaoya jhaphaidu.Odhejang Jhuthai thibada good morning thikhade  adung -ajang baburao jajaodao. Dimajicraode klhesi gainghi, klebgini gainhi niyakhade bekheleb bekheleb gainghi gamaric gamaba. Odelaining Dimasa nagarao sonbrudini Judi linghi, baola baoli jahi gasle thaolaba, dangma nanagmakhe dangya, porimanangmakhe poriya andir muthai nuya donglaba.

Thikhala andhir muthai nuyabani Dimasarola malaijang thogijaohi  donglaba ?   Baobadao singkha

Ao ..Ada Thika.

, yao khali  jeb khali Khithun phusa baijahi  phailakha  Thikho bokro gosong himbase Dimasa dimasic rinthing giricthing baobase  . Auto gama poisa giribani budu galao lamayung himbaha mugridaoni thairilikhe waisohi  khabisingba rejablabi  phailakha…..

Wathilingni mathalarao

Mugim tuhi jayakha

Bongralingni Nagarao

Yaogabaohi naihi Jayakha

Rogonbakhe mathaone

Graosi bol nangphaikha

Gajaobakhe khathaone

Duyung sikhma nangphiakha.



 Dated:26/02/2013

 

DIMARAJINI HANGSLIKHMA!

BAOBAIDAO BODOSA

I

        Dimasarao khajalaiba Durga madhai diniha Rigu rijhamphai gainkha.  Odejangbo jayakho Dimasa Dimajicrao amai abai bojayaba rngjang malaini  saothulu baraikha , Malaini  saokhuli  gainghi Dimajicrao beren beren lama-baikha, thikabo bunshi  Rigu rejaphaingkhe  majanjaodhune- khajang mujang hamjaodune. Jarse gaingma mijingyaba. .. …..

Puzani Bubili , lamayung himbaha Mastor Babu  Beredao khanaphalangkha…

: Rigu rejamphai gaingyaba Durga morthi se ….. tha nai hinang.  Rajirao

: Oi berao , jin khribo thangjaree …   Dimasaraoni hojani Boppa se salaibane…

: Dimasani hojabo  lamjaophaimane…..

: oi raokha ,  Dimajani hojala bedehe mailni hadamkhela …..

: Olai niya berao,  Din jan khal jan Malaijang milima nangdu…

:Amai ni rigu rejamthai khe mailne ghainrikha , Amaikhe klimya malaikhe klimkha ..Amai abha mudhi rudhune…

:Dimasarao malaijan milima thanghi thannhi diwariwaha gajaoba, naye naphijang gijaoba-sethi.

:Dima Diyungkhe malai rung jaoba, rungha tokh dokhaning, rungha burum birsingba je nangya jakhai nangya Dimasarao rimjaoba….

************

II

Puzani Holiday maibani Beredao bede Jahayani ha  daobaiphaibaa.  Jahayani drawing roomha Dimaraji ni map khashibi dong . Dimaraji map nudada khazama ne dukhunangma baopharanphuyasi Beredao jalakha.

Dimaraji map khe beredao philihi philihi naibahaning, ade Jahaya sophaikha…

Jahaya: O ningse….  Dimaraji ni Map naiba?,  bude Dimaraji  saingsabani proposed  map ne ..

Gede sainkhase Basasa mainangthibo…

Beredao: Olaise…

Jahayadao: Dimasaraola Ha nejao raobithi, Duhani nanisang Dimaraji gejerha Durga Puza khalai phaikha, , Puza modop thima ha lama, Kharnai khurima, ha nema,  yahon ha Demra raji Gubruma…Dimajicrao mathalrao Malaini jadhikhe nangjaoma…. Dimasa buma-bopha basabijic khe kin maima…

Beredao:  Dimaraji la harang gao dao gaomakha…

: Jini basa bisikla nandi thima , jarni dara disakhe naiba ringya, slamba ringya odejangse  malaini Nokhoba  malaoma thamba khajaba..   …. Malaini nokho dongba, bongphanma sewani  samsalai..   depuya jufua  jar birim phunuphuyahining damra gama..…Ade jahaya thiphalangkha

:

Kring kring …….. phone phaidu …

: hello sere …..

:”Ang , Guwahtiha  se dongba”…….Dimasa officer babu Naikhudao

: Nalaiha phaiya, .. Ade singkha

: Nolaihadhe thangyadao, anchrao limmase…odhebani Guwahathise Puja naiba.

: Nishithe puja naiba .     angdhe maijiba…… Ju jang mogonhg lingba….. ade thihada  phone dengkha.

:Jarni Hajaithani khe Dimasa Baburao de Balaore, Malaide Jarni Hathinkhe Nangjaore.  Nolaiha phaikhade bunsini basa bisicde limre, thikhade Dimasa Garao Jokhade Salabo thontha jamase, Buhase Dimasarao babuni basa basic rao Dimasa Garao Joba ringyane, Haflong Hindi, English Bangla , assamese se jorene. Nolani Dimasa ansaraode Dimasa Jobani Smart Japhuyane…… Ade akhi berebalai biring phalangkha.

 Diwari na bangkhala , dibo maoya donrethi, khabising garao bangkhala bukhubo maoya donrething, Jahayabo biringhining dongkha..

: Dimasani Fagera hadam ha hasaibani … Ju linghining damrakhorha  thangne  lama soolaba….., Dimasarao Dimaraji saingba  ,  Amaini noyamg sodao somakhe , baohi hangslikma khalaba…..

Dimaraji gejerha Mathamsase  khamrikha , hadhisadhe karnai kuma , ha nedao nema…

:Adhe , Dimasani raji gejerhala  bede Durga Puja salamma galaikha … Anshaha khanabalai thikhala Tularam senapathi Dimaraji khe raokhimane la JABONG phujase kripjang khlimsmaire thihi khanaba… Beredao singkha.

Jahaya:Thikhabo Dimasaraola jarnikhe majaodaorihi hamdaorihi khalaima baoya…..

: Adhe Jabong than ni garaokhe khaisa thisang…….

Jahayadao: Bakhaliniprang ebokhe Dimaraja yaoba bukhede tiphuya thikhaba Tularam senapathi jahi dongbasosi ebokhe yawaphaboba.  Dimarajini  southern part , Daoga Haju (DOBOKA) ni Mahamayathan  Dimasani Jabaon than dongba.  Bu mahamaya than ha dinubo Tularam senapathi Seng(Toruwal ) dongkhu , thikabo buni Pujaridhe Koch ar Dimasani  grimgathab  subungse .  Odhejanse dukhunanghi  Mungridao reba   …..” Dijen jakha dini Jamuna, Dimasani Jabong Daokho dini jakha MAHAMYAYHAN” ( Hangslikma page.) Tikhabo raja saoni oisor thidatha alonkhaha Jabongthan khe maithai purum Dimsarao khlimhi phaidukho.

Odhejang Alongkhani Dimsasrao Dinbo Dimasa thihi jarni mithijaomakhe mathaophuba. Mailaikha yagong rimya, rimphong Dima yaowaihi raji raokhi dengba.

Beredao:Adhe thikhala , Tularamsenapathi ni basa basic haing-thi la bara thantharkha …….

Jahayadao:Tularam senapathi Damra gabani yahonhaha .. Tularam senapathi basa bisic ar rajirao Sarkardev ni Saron lakha , lugu lugu jarni sengphong , garao , raji gamatharkha.  Hasimsani Hadam war rikha, Dimsani Nayam khamakha.

Thikhabo Alonkhani Dimasarao Jarni Mamadai Famadia khe Klimba , maithaisiha alansithikhabo Jabong ar langhai mathaikhe klimphabiba ode jang dinobo arena Dimasa dimsa jahi thaolaba.

Tularami Hainthi , dini serba Laskhar , serba Mojumdar, serba Barua  , jin dimasa jahi busikhe tharmaya busibo jinkhe tharmaya , Dimaraji haranggaohi gajao lugu  dimasaraobo gajaotharba.

Sankar guru bhakat tu   kharamdamba, krisna lila punuba , damsurgede sana jimba , dimasakhe sanajiriba dormni bumjang ruthaiba.Dini sansukhi dimasa donkhabo giri. Baohi hangslikma khamaiba

: Dukhunansisi ,Dimasa jabani  ebo machi  jarmin ….

; Odhebani sere jarni Jarimin khe mithiya  ar mithima mijingya bo jhadi  jamlanglabase…

Beredao:.adhe mashi garao ,Tularamkhela nandhibani senapathi thiba , raja se thima nangremu.

Jahaya: hamba question, Hamsisi thima thikhala Tularam senapathi lala Rajha Govinda Chandra ni Senapathi Donghba , ar sourther part  Dimarajikhe naisomane yaophaba . Raja Govind Ch Hasnu Jekhali Bharath Thirtha  daobaihi  phaika  phinkha ar Dimasarao Hojarao  madai Humane donyarao dimasani dara jan mdhai huyakha thihi sainthiklha bunifrang  Hajao Demrao  Dijuwani  Dimasarao degaokha.

Bramin  Rimphong (religion) lahakha Dimasani rajhini saingili jama saphaikha.

Beredao:Thikhala hawarni Dimasala Bramin reimphong   lahayarao?

Jahaya: Dimasa khe  Brama ni basa thikha Barman sephong rikha , Dimasa  boso yader  tarmaya Barman sengphongkhe dejaokhe,  Barman rebani  hadhisajang aphna khakha Ha no rikha, Diniha Barman Kachari thijaokha.  

Beredao: Odhening dini jinni Dara Gublung , Dimarajini Digublungha malainiijhadhi na rimdo, buhse dinibo  thakurji , Swami ar kot segdhing  je saihi dimarajhi  je saiphaiba, Dimasa jarkhe mithiya remjaolaba.. :Dara giri jadhike , jadhi thijaya, rimphong giri giri khudikhe khudhi thijaya.., dara mathaopuya raji mathaopuya. Ninbo angbo kribo  Dimaraji naojaodu, thikhala Dimasani dardisha khebo nangjaoma nangdhumu.. niya adhe..

: Duhadhe anghkhe jar failure jakha baoladhu.. adhe hangslikhma khahi thikha.

Beredao: Nadhi jabani adhe ….. Ningla  rajhikhe mashkaha , Dimasani Hosombo salaikha…

Jahaya:Dimasani hosom khabadhe laibi, thikhabo kushihaba khe sosoriba dubie…   Dimasani khusihabadhe phagun jaisrini Dobong wai khambalaise..wai bagsabalaining wai tiba laibi    Dimasaraodhe hojakhe phaijiyaraose… Odhebanise  jadhi hamyakhadhe Hoja jaba hamya thirene… Sibringkhabo alu mudri tumaisi ..

:Jhadhikhe hamba- hamya thibadhe jaya… Thikhabo  Dimasani Kushi babha dangma bangbikho .. Dimasani hadamha dini hagra bangbani jing sisong dihi krib baogoma nangmase.  … hagra yaosihi fhaidaing majangrima nangmase… Beredao thikha

Dimasaraoni jathai ; hamba garao jhadhine sailaimathidatha  khamlaiba,

 Ju bottle table ha baoyathikhadhe Garao baigoyane,

Bedeni yaoha Ju bittle mashi , bobaganaingni yaoha bittle mashi , Ju jini lungbaisi , Juni power dongdhusi garao gede jakha , khithung pusa baisa noha sohikhaning juni power bo jamkha  garaobo  balaokha .

Dimaraji gajao giphinjakhabo nuya muthai giri jakha, baomane bhakha giri jakha . Juni power jamkha , baomane energy girikha.

Sainbilini barsiri bari siba , hadiha gakhrangili mai lebi baiba  , Dimarajini lamung himya himdthaothao,  Aphna haingthijajang se Dimaraji  , Dimasa malai giri, , khadema jailuphudhu.

:   ani adheni noba khamlangnang tha, Nindhe bukhe adhai se galaima dow…. Jahaya thikha

                                                                                  III

Beredaojang , johaya  adaini noklijuha sohikha. .

Aju adaini noh dini  Daothiph Khali (Empty nest).

Diniha  jarni Bhustahai sathai  aju adhai rajabha khanane Nolaiha phaiyakha, Cityha  Annada mela, Durga Puja, Cinemax has thangba. Thikho Aju Adhai rajbaya dongjaya. Judhima Belasi lindhadha rejablabha, ……..

Dimabong halili dongbaha

Gebebong daidongba

Beredao , jahayadao khamao gainsonbar khanahi  sonthaokha..ar adai  bunsikhe nuhakha.

: Phai  , khamphai , sainbili jabani hagaphang waisi khamma baoba. …….    Adai

:Oi adhai , rogongha Malai Puja khalaibala , dithar gorhsi la linghinang….. Bererdao singkha

:Jinla Mamadai pha- madai  yaoyaba, Jini ditharla digirik dikese khaoba, musedhe Dimasanede Gususe, Odhejang dimasarao Gakhir yaowaiya, Musukhi , yaoyaba malai dither dimasani dithartha thandaoya,

Raja saoni dither khaoyabani kharimin dong  aju bakhalba ninkhe sainthinang.  Andhe rakha pukha nisining ebo karmingkhe sainthiphalang , Dimasakhe masaphalang , Dimasani jarni daradisa  dong, Malaijang thathukijao,.

: Adai Thikhala jinla Hindu Niya..

:Hindu niba niya ning baola.. Krisna cn garaokhe khani..

Krisna ch. Hasnu Dimraja hindu Jajenba ,  gajaoni musu daohi bukhukhe habrihi khiphukhe baigorihi Hindu khailaiba, odhe Barman sengphong riba. Musukhe  Gajaokhe dopruhi langlaba odhe jang jayakho ha saingba, nayam neba , Dimajickhe khamaba….

Adai ni Muthaihabo Mudi ralangba nuba.

Dimasasani Jarmin , Dimasa khe tharmaima thikhade Aju –Adai jangning goron khamlaima nangmase..

Beredao baoslam baolakha.

Berdao: Adhe , Ahomkingdom  6oo maithai budu laokha,. Thikhala Dimasani rajila bisaliai Gara?

:Ahom phaibo (1228) Dimasani raji dongba.  Ahom raji ar Dimaraji Birtisht ni yaoha jamthaoba,

Thikhala dimasaraola more than 600years raji khahi donyabse. Maithaijanjanf rijingsibo thaoyalaphure…

 Beredao: Thikhala jinala krib dongba , dara disha garao rimfong..

; Right adhe ,  Donghiho giriyasa dini Jing Dimasa, Khuthai donghi rebthai giribani , jini Khuthai girilai, Magoni ganang garao donghi, dini Jini Ajang Adung Haflong Hindi Jayasa, …..

Beredao: Thikhalao duha Jin Dimasarao  Nadhi Khalaima nangere?

Jahaya: Mahoni Garaokhe Hadailai, jarni Dara Dishakhe yeri majangri, Dimasakhe Khajang mujang Hamjao phunag , Dimarajini Sangli Joya thaonang  , sainsi Dimaraji Maiphinnang.

Adai: Angla, O A thiringya , Nishithu mastorao ning jini kaharaoraoni  khuragai Garaobuthukhede rebma nangmase….  Khararaoni maimukhe noshing  jowai ghai phib  yeri phairi..,

      Kharoraoni garao khanekhade Khabo raorene. Adaini Garao khanihi Jahaya ar Beredao mastor babu ginibo Ju lingba haigari Dimasane   hamba garao rebma thihi  Dinise Baoba mailakha.