DINIHA SIBARAI PHAIPHINDU
( from Fagun badainni yaosandi Published in1996)
By K C bodo
I
Gadani
garimin ganangha
Langkhang ditharkho majangha
Pharaphang
Desari Gaiphindu
Hajenkhong Mogonsi Luphindu
( II)
Sainjakhe
Birlangba Daorijing
Birgiding diniha phaiphindu
Saijorokhe
khailangba Miririjing
Khaigiding diniha phaiphindu
( III)
Maijiya
Mairabam Mainangthi
Maimidim Maimukhe Jowaidu,
Mailingya
dirabam mainangthi
Diwari guthukhe naiphaidu.
( IV)
Bahaijang
Hadingsini midimne
Khimmidim khimmukhe Jowaidu,
Dikhongsni
majangma gablaine
Khimmajang
khimmukhe gaiphindu.
( V)
Gadani
jarimin khanane
Dirgong gaisongphang gaiphaidu
Gadani
Jagari naimane
Dirgong longmaisa khuphaidu.
(VI)
Digalai
Disiri Ditharha
Dimajang Digathar Dikherengha
Daorili
daosandi Dugrudu
Saogathar khagathar japhindu.
( VII)
Ashudao
khabudi ganang dao
Longkhudao sengkhiring majangdao
Suphin
birili dambakhe
Gainsolai diniha khanadu.
(VIII)
Gadani
bonmeser gaithanha
Diyungbra Dirgong Majangha
Bonjulu Desolo Dephindu
Daokholo maidisa rijabdu.
( IX)
Dainmajang
phagun badainha
Habesao halai majangha
Manderbar
jaorili barphindu
Daomander hasoru minidu.
( X)
Dilao
Dimani Rajiha
Giphiphhi dongbakhe sikhune
Gilikhhi
dongbakhe bamkhune
Diniha Sibarai phaiphindu.
( XI)
Habesao
halali naislamne
Adha abhikhe sibringne
Adung
ajhankhe khasaone
Diniha Sibarai phaiphindu.
No comments:
Post a Comment