Baisi (Habit) : A poem from Thiarili

    BAISI ((Habit)

(From THAIRILI published in 1997)

By K C Bodo

Phorithajang  Ansarao

        Ringba sereba ringyaba,

Phinthajangning Rimagung

             Dungba Dungyaba.

Jibaisijang Muduru

               Thaoba thaoyaba,

Lingthaijangning lingbahabo

            Jroba mithingba.

Jathaijangning Marsibo

          Majangba regeba,

Jathaijangning Subungnibo

        Baothai nujaoba.

Hamba hamya baothaibo

           Khani baisise,

Majang rege naithaibo

             Muni Baisise.

Dangbaisijang Laijaoba

       Duba khusikhebo,

Baisijangning Suiphuba

        Dukhu hadikhebo.

Baisi hamba hamyajang

      Ganang dukhi jare,

Marsiraoni saokhulikhe

      Yaobalaihaning nure.

Jinthai lingthai jabaisi

         Baisi jini raobi

Baisi Saoha haphkhade

       Bukhe deba dubi.

Baisi saoha Habbakhe

        Mithidaba Dubhi

Makhaolase bude habba

      Nobra mithiyahi.

Saorim thirim habtharkhase

    Khaisa mithiphuba

Rikhhon phuya japhaikhase

   Subung Gamaba

Baisi Hamba ningmainang

   Hamdao thangdaonang,

Hamya baisi ningmainang

   Gmangsni Gamanang.

Hamba baisi balaidusi

        Saoha habrilai,

Hamya baisi dongbasikhe

     Diha Masailai.