Sainyader
Dijam delen dijambra
Boni bakhlaba banjic halu
Sainjagede sainyader
Guphusarao phaibaha
Misi hosa araha
Misi masnijang tuphaba,
Sombudonbo thimphaiba
Hojairaobo githimba,
Jini sadin mathaone
Sibaraikhe basiba.
Siphayarao rikhphulungkhabo
Misi buthu
khaiphulungkhabao
Sahib saosi dainjaokha
Bharaot hagarhi yahonha
Guphusarao thangmaikha.
Gada saomi jakhabo
Sainyader haju dinibo
Jingkhe naihi dongdukho.
Singsri marbari basainha
Risa gajao lamduhko.
Sainyaderni hakhorha
Misi bojom jadukho
Jini sindhai birdukho.
Gibi
Habesao
dongbaha
Dukhu hadi
billingha
Khani gasaing jing nangdu
Jalang
sainyung dungbaha
Hagong
gajaing gabaha
Lengomabo jing nangdu
Mosol garao
jing johi
Khum bujut
ridaohi
Khaha gasaing jing maiphuya.
Gerem gadao
jing himhi
Khuda mathai
galaihi
Saoni lengma godaoya
Gerem gadao
jing himnang
Budu basaing
gamanang
Thangthan soya hormainang,
Belengba lama
jing himnang
Lengya
gajaing himphunang
Andhir jaya sohinang.
Mosolning
lama geremba
Gibining lama
belengba
Gibining thonggaphang gejebba
Dimaide
dibising gilikhya
Longthaide
dibasao galangya
Gibikhe saosi dethaoya.
No comments:
Post a Comment